Diario Vasco

Goierri BirZiriken mozioa udaletan

Pasa den astean Goierri BirZirik herri plataforman udal mozioak lantzeari ekin zion eta honela Mutiloa, Gabiri eta Ormaiztegiko udaletan aurkeztu dute lehen mozioa. Dagoeneko Gabirian eta Mutiloan onartu dute. Ormaiztegiren kasuan bihar onartuko dute. Goierri BirZirik plataformaren asmoa, Goierriko gainontzeko herrietara zabaltzekoa da.

Hiru eskaera udalei

Mozioaren bitartez hiru eskari nagusi egitea galdegin die Udalei: 1.-GHK berehala gelditu dezala Mutiloako Lurpe zabortegian hiri hondakin nahasiak isurtzea ahalbidetzen duen esleipen prozesua. 2.-Gipuzkoako Foru Aldundiko ingurumen sailak lan-mahai bat eratu dezala, hondakinen kudeaketa arazoari konponbide partekatu eta arduratsu bat aurkitu asmoz. 3.-Mutiloako Lurpe zabortegia kudeatzen duen Ferrovial taldeak uko egin diezaiola kontratua sinatzeari.

Eskari hauez gain, ondoko konpromisoak hartzera ere bideratu ditu Udalak: Talde politiko ezberdinen arteko akordioa gauzatzeko ahaleginak egin, ondoren herritarrei mezu bateratu bakarra eman xede: etxeetako hondakinak behar bezala sailkatzea derrigorrezkoa da.

Gehienez hilabetean pertsonako 5,8kg errefus sortzea ziurtatuko duen bilketa sistema eraginkorra bermatzea herrian, horretarako beharrezko diren bitartekoak erabiliz. Neurria Gipuzkoa guztian ezarriz gero, urtero sortzen den errefus kopurua 165.000 tonatik 50.000 tonara jaitsiko litzateke. Emaitza horiek etengabe hobetzen jarrai-tzeko ahaleginak egitea. Eta azkenik herri mugimenduekin adostutako mobilizazio eta ekintza ezberdinei atxikimendua ematea.

Aurkezpena Ordizian

Bihar astelehena, hilak 7, Ordiziako plazan arratsaldeko 18:30ean Mutiloako zabortegiarn aurkako plataformaren prentsaurrekoa alkateen eta herritarren babesarekin egingo da.

Recibe nuestras newsletters en tu email

Apúntate