Diario Vasco

Zegamako eta Partzuergoko saroiei buruzko hitzaldia

Saroien izaera hirutakoa da. Lehenik eta behin, abeltzaintzarako egokiak izateagatik aukeraturiko guneak dira. Bigarrenik, eremu berezi eta berezituak dira, baina, haatik, ez dira itxitako esparruak. Azkenik, arau edo eskubidetik ere badute, behinola hemengo lurralde-antolamenduaren oinarri izan ziren haiexetatik.

Antzina garrantzitsuak izan arren, egun gure ondarearen alderdi atzendua dira, ordea. Alderik alde, bazterrik bazter, saroien izena, izana eta izakia aspaldi samar itzali zen, baina horrek ez du esan nahi euren berririk ez dugunik, ezta gutxiagorik ere, non eta Zegaman gainera. Jakin ere badakigu garai batean saroi asko zeudela Zegaman (eta Partzuergoan). Gaur, ordea, mendi-gailur batera igoz edo airetik ateratako argazkiei erreparatuz gero nekez ikusten da saroirik, ez dago eite biribila duen esparru handi askorik begi-bistan. Horregatik da hain garrantzitsua saroien azken aztarnak zaintzea, ahal izanez gero, berriak aurkituz.

Horretaz guztiaz hitz egingo du (euskaraz) Luis Mari Zaldua Etxabek, datorren azaroaren 9an (asteazkenez), 19:00etan, Zegamako Anduetza parketxean. Sarrera dohain izango da.

Recibe nuestras newsletters en tu email

Apúntate