Diario Vasco

II. Ergoneko Festa izango da gaur Amezketan

Kultur Astearen baitan, II. Ergoneko Festa ospatuko dute gaur amezketarrek. 11:30ean IV. Hiruterdiz-Aurre pilota torneoko finala jokatuko da frontoi zaharrean; eguraldi txarra balego, goiko frontoian jokatuko dela adierazi dute antolatzaileek. 14:30ean bazkaritarako elkartuko dira goiko soziedadean, eta bazkalosterako triki-poteoa iragarri dute.

Afalorduan 'Txoooootx!' egiteko aukera izango dute Altuna Anaiak frontoian: jatekoa norberak eraman beharko du, eta afaltarrek parrila piztuta izango dute frontoian bertan. Festa egunari amaiera emateko Maialen, Irati eta Nagoreren erromeria iragarri dute antolatzaileek. Parrandarako aukera izango dute gaur, beraz, gautxoriek; baina, adi, bihar goizean garai bateko baserritarren eran dotore jantzi eta 10:00etatik aurrera 'perira' joateko deia luzatu baitie Udalak amezketarrei.

Recibe nuestras newsletters en tu email

Apúntate