Diario Vasco

Artisau eta Barazki Azoka bihar goizean Lebaurun

Zortzigarren urtez Artisau eta Barazki Azoka egongo da Leaburun bihar herriko trikitilariek alaiturik. Azoka 10:00etan irekiko da eta bertako produktuak erosi eta dastatzeko aukera egongo da, baita Nafarroako piper erreak eta Iparraldeko hainbat produktu erosteko aukera ere, besteak beste, artisau garagardoa eta Ezpeletako piperrak. Gainera, bertako produktuekin osatutako saski eder bat zozketatuko da. Eguerdian duela gutxi zendu zen Maritxuri omenaldia egingo zaio eta 14:30ean bertso-bazkaria egingo da Jokin Uranga eta Beñat Lizaso bertsolariekin. Bazkarirako txartelak udaletxean eta Ostatuan daude salgai, helduenak 20 eurotan eta haurrenak 10 eurotan.

Recibe nuestras newsletters en tu email

Apúntate