Diario Vasco
Primerako barazki eta fruituak erosteko aukera egongo da.
Primerako barazki eta fruituak erosteko aukera egongo da. / J.M. LÓPEZ

Leitza eta Aresoko produktuen azoka antolatu da hilaren 13an

  • Bestalde, hilaren 10ean, 'Nekazaritza ereduak. Elikadura burujabetza' izenburupean hitzaldia eskainiko dute

Leitzako Udalak eta Lei-tzEKO Kontsumo taldeak elkarlanean, bertako produktuen II. azoka antolatu dute hilaren 13rako. Aurten gainera, Aresoko ekoizleek ere parte hartuko dute azoka honetan. Beste berrikuntzetako bat, hilaren 10ean, Atekabeltzan eskainiko den 'Nekazaritza ereduak. Elikadura burujabetza' hitzaldia izanen da. Poliki-poliki bertako produktuak bultza-tzeko agenda lantzen ari dira, beraz, Leitzan.

Bertan eta bertakoa kontsumitu, modu arduratsuan. Hori da azoka honen helburu nagusia. Bertakoa erosi eta jaten dugunean, herriko eta inguruko ekonomia sustatzen dugulako, komunitate kontzien-tzia sortu eta herria indartzen dugulako.

«Gure ekoizleen eta bereziki gure baserritarren jakinduria eta ezagu-tza zabaltzeko erakusleihoa izan nahi du hilaren 13ko azokak» diote antolatzaileek. «Bertako produktuari merezi duen lekua eskaintzea, baserritarrak protagonista bihurtzea eta horrela lehen sektorea duintzea da», antolatzaileen asmo nagusia.

Hitzaldia hilaren 10ean

Bestalde, hilaren 10ean, arratsaldeko 7etan Leitzako Atekabeltza Herrigunean, 'Nekazaritza ereduak. Elikadura burujabetza' izenburupean hitzaldia eskainiko dute Mixel Berhocoirigoien Euskal Herriko Laborantza Ganbarako lehendakariak eta Juanma Intxaurrandieta INTIAko gerenteak. Besteak beste, lurraldera modu jasangarriagoan egokitzen den bestelako nekazaritza eredu batetaz zein gurean, nekazaritza iraunkorrak eskaini ditzakeen aukerez hitz egingo digute.

Kontzertuak

Bihar larunbata, kontzertu berezia izango da Leitzako zinean. Ilun-tzeko 19:30ean hasita, Georgina Hassan Caballeroren Kontzertua izango da zinean. Georgina Hassan kantari argentinarra da baina arbasoak Leitzako Alfarokoak ditu. Ez da lehen aldia musiakria Leitzara etorri eta kontzertu bat ematen duela, besteak beste, 2013an Europan zehar egindako kontzertuak eskaini zituenean Paris, Berlin edo Madril bezalako hirietan bertan izan zen. 2011n ere Leitzan izan zen. Ahots berezi bat du argentinarrak eta aitortu duenez, «niretzat amets handi bat zen nire aitonaren lurraldea ezagutzea. Izan ere, familia dut bertam, eta erlazioa mantentzen saiatzen naiz».

Georginaren aitaren aita, bere aitona, leitzarra zen. 16 urte zituela joan zen Argentinara. Abeslaria berriz, 2002an, Argentina krisi handian murgildurik zela, Euskal Herrira bidaiatu nuen, eta aitonaren etxea izandakoa ezagutzeko aukera izan zuen.

Hassanek kontzertu akustikoak eskaini ohi ditu plazaratu dituen diskotako abestiekin eta berriekin. Euskarazko zati bat duen bere aitonari eskainitako abestia ere kanta-tzen ohi du. Kepa Junkeraren disko batean abestunuen euskarazko abestia ere kantatuko du Georginak.

Bestalde, Portugaleteko Salazar abesbatza hurbilduko da bertara eta arratsaldeko 17:45etik aurrera arituko dira Mikel Deunaren elizan. Sarrera doan da.

Recibe nuestras newsletters en tu email

Apúntate