Diario Vasco

Gipuzkoa txapelketako pelota partidak jokatuko dira gaur

  • 19:00etatik aurrera lehiatuko dira plazako pilotalekuan eta baita udal kiroldegian ere

Gaur Gipuzkoa txapelketako banakako hainbat partida jokatuko dira Lazkaon arratsaldeko 19:00etatik aurrera. Kimuen mailako bigarren urteko pilotariak eta haurren mailako lehen urtekoak arituko dira Joxemiel Barandiaran udal kiroldegiko pilotalekuan batetik eta haurren mailako bigarren urteko jokalariak plazako frontoiean bestetik. Etxezarreta, E. Goikoetxea, Ormazabal eta U. Goikoetxeak Tolosa, Legazpi, Arrasate eta Aloña Mendiko ordezkarien aurkako partidak lehiatuko dituzte plazan, eta Zubizarreta, M. Senar, Erauskin, Artola, Kerejeta eta Garridok, Txapagain, Zazpiturri, Aloña Mendi, Tolosa eta Euskal Jolaseko ordezkarien aurkakoak kiroldegi lazkaotarrean.

Baina ez dira hauek izango Lazkaoko Antzar Pilota Kirol Elkarteko pilotariek gaur lehiatuko dituzten partida bakarrak. Lapkeko Ezkurra Zumarragan izango da esaterako, 19:00etan; Aldasoro Oñatin, 19:00etan; Naldaiz Eibarren, 19:15etan; Belaunzaran Bergaran, 19:15etatik aurrera; eta Askarai Elgoibarren, arratsaldeko 20:00etan. Lasa eta Senarrek osatutako bikoteak ere Gipuzkoa txapelketako partida lehiatuko du gaur, Astigarragako udal pilotalekuan, 19:00etatik aurrera, Mundarroko ordezkarien aurka.

Partida gehiago

Bihar Goiburu izango da Gipuzkoa txapelketako Lapkeko ordezkaria, Ikaztegietan, 16:00etan; Garciak (Lapke) Goikoetxearekin batera jokatuko du Baztango txapelketako binakako partida Elizondon, ordu berdinean; eta B. Zubizarretak (Lapke) Arrillagarekin batera Eskuza-Gabirondo bikotearen aurkako Gartzaron txapelketako finala herri nafarrean.

Igandean, berriz, goizeko 10:00etan hasita, Lapkeko Mintegi-Garmendia bikoteak Gipuzkoa txapelketako kadete mailako finalerdia lehiatuko du, binaka, Oiarpeko ordezkarien aurka; Belaunzaran eta Goiburu eta B. Senar eta Urdangarin Zizurkilen izango dira Alegiko Otegi-Rojas eta Zubeldia-Olano bikoteen aurkako partidak lehiatzen; eta B. Garmendiak nagusien mailako Juanito Álvarez txapelketako finala jokatuko du Egian, Urretabizkaiarekin batera, Santxo-Gorrotxategi bikotearen aurka.

Recibe nuestras newsletters en tu email

Apúntate