Diario Vasco

Gaurtik igandera Gazteluko Kultur Asteburua

Gazteluko Udalak Kultur Asteburua antolatu du gaurtik igandera bitartean haurrentzako zein helduentzako ekitaldiekin. Gaur ostirala haurrentzako pintxo tailerra egongo da Erroizpe elkartean 19:00etan eta segidan, pintxo lehiaketara aurkeztuko diren pintxoak eramateko epea irekiko da, 19:45ak arte irekiko dena. Parte hartzaile bakoitzak 20 pintxo berdin aurkeztu beharko ditu, ondorengo afarian guztien artean dastatuko direnak. 20:00etan Txikiren bakarrizketa egongo da eta ondoren afaria.

Bihar larunbata helduentzako eta haurrentzako arku-tiroa egongo da 16:00etatik aurrera. Animaliak jarriko dira punteria egiteko eta haurrentzako arku txikiak egongo dira. Jarraian txokolatada eskainiko da eta 20:30ean kantu afaria egingo da Herriko Ostatuan. Igandean, hilaren 6an, 'Gaztelu-selfi' jolasa antolatuko da, herria ezagutzeko helburuarekin. 13:30ean jubilatuen bazkaria egingo da.

Recibe nuestras newsletters en tu email

Apúntate