Diario Vasco
Gorka Zabaleta txistularia eta Fernando Gonzalo organojolea.
Gorka Zabaleta txistularia eta Fernando Gonzalo organojolea. / SUDUPE

Gabiriako elizan 'Festa eguna jauregian' kontzertua izango da bihar

  • Arratsaldeko seietan emango diote hasiera emanaldiari

  • Fernando Gonzalo organojolea, Gorka Zabaleta txistularia eta Jose Javier Lera perkusio-jotzailea arituko dira

Gipuzkoako Foru Aldundiko kultura sailaren eta Organoen lagunen laguntzarekin Gabiriako parrokia batzordeak aurten ere organo kontzertua antolatu du, 'Festa eguna jauregian' izenekoa. Larunbat arratsaldean izango da, azaroak 5, 18:00etan Andre Mari Zeruratuaren Parroki elizan.

Azken urteetan, Gabiriako elizako organoak azaroko lehen egunetan protagonismoa edukitzen du, bertako zein kanpoko organojoleekin kontzertuak egon bait dira igande eguerdian, meza ostean. Hala ere aurten aldaketak daude. Igande eguerditik larunbat arratsaldera pasatzeaz gain, kontzertuan ez da organoa soilik entzungo.

Fernando Gonzalo organojole donostiarrarekin batera Gorka Zabaleta Bilboko udal txistulari bandako txistulari azkoitiarra eta Jose Javier Lera Donostiako Udaleko Txistulari Bandako perkusio-jotzailea arituko dira. Hauek XVI. eta XX. mendeko piezak interpretatuko dituzte, Fernando Gonzalo berak konposaturiko beste batzuekin batera. Gainera beraien musika entzun bitartean dantza irudiak ikusi ahal izango dira; zentzumen bat baino gehiagorekin gozatzeko emanaldia.

Recibe nuestras newsletters en tu email

Apúntate