Diario Vasco

Erlaxazio teknikak erakusteko ikastaroa antolatu du Aiztondok

Aiztondo Zerbitzuen Mankomunitateak erlaxazio-teknikak ikastaroa antolatu du. Ikastaroa doakoa da, eta 6 saio izango ditu, hilaren 15etik abenduaren 27ra bitartean, astearteetan, 16:30etik 18:30era bitartean. Zizurkilgo Atxulondo kultur etxean emango da. Aduna, Alkiza, Larraul eta Zizurkilgo herritarrek hartu ahal izango dute parte, mendekotasuna duen pertsonaren bat zaintzen badute. Ikastaroaren helburua da zaintzaile jarduera dela-eta sortu ohi den nekea eta gainez egitea askatzen ikastea. Egoeretara egokitu eta onartzen ikasteko, eta indarra kentzen digun hori askatzen joateko. Beti ere, agertu daitekeen desgastea eta gehiegizko nekea saihestea da asmoa. Ariketa praktikoei leku berezia emango zaie. Ikastaroetan izena eman nahi izanez gero, Aiztondoko telefonora deitu behar da, 943-693.930 zenbakira.

Recibe nuestras newsletters en tu email

Apúntate