Diario Vasco

Azoka eta beste hainbat ekitaldi asteburuan

Garbiñe Ezkerra eta Amaia Azkue txapeldunak, lehen sailkatuekin.
Garbiñe Ezkerra eta Amaia Azkue txapeldunak, lehen sailkatuekin.

Asteburu oparoa iragartzen da oraingoa ere Berastegin, kultur aldiaren barne. Gaur osteguna, ilunabarreko 19:00etan, Ibon Azpilikuetak inguruko perretxikoak ezagutzen lagunduko du erabilera anitzeko gelan.

Bihar ostirala, 16:30etan hasita, Baserria parkea izango da Kulkiren eskutik, tartean txokolatada eta guzti. 18:30ean erabilera anitzeko gelan, Iñaki Artola, Oinatz Bengoetxea pilotariak, Mikel Nieve Txirrindularia, Myriam Elorza sokatiralaria, eta Itsaso Nabaskues kirolariekin solasaldia. Irati Saizar izango da aurkezle lanetan. Eta 22:00etan, Txarriboda filmaren emanaldia.

Larunbatean, 11:30ean, garagardoa etxean egiten ikasteko 2. saioa, Axier Saizarren eskutik Urepele Elkartean. Arratsaldeko 17:00etan Miru ipuin kontaketa haurrentzat, udaletxean. eta 19:00etan, Ondoko hilobiko tipoa antzezlana, eskolako gimnasioan.

Igandea, eguerdiartean, azoka egingo da. Ordu berean, hainbat lehiaketa ere burutuko dira, esaterako, ardi ahari eta bildots lehiaketa , arroz-esne lehiaketa, partehartzaileek goizeko 11:00etarako aurkeztu beharko dute beraien arroz esnea. Postu Lehiaketa, posturik ederrena saritzeko eta gazta lehiaketa, 25. aldiz egingo da lehiaketa hau. Herriko artzainek parte hartu ahal izango dute eta beraien ardien esnearekin egindakoa izan beharko du lehiaketa aurkeztuko duten gazta. Erakusketak ere egongo dira, Animalia ezberdinena, Rallyko argazki onenena eta haurren marrazki lehiaketakoak besteak beste. 13:30ak aldera lehiaketa guztietako sari banaketa egingo da.

Arratsaldean 18:00etan hasita, taloa, arroz esnea eta gazta sagardo eta ardoaz lagunduta. Tartean, Teresa Caminos eta Oihane Zubiria trikitilariak giroa alaitzen.

Joan zen asteburuko egitaraua oso osorik bete zela esan daiteke, herritarren partehartze handiarekin. Umeentzat nahiz helduentzat egin ziren ekitaldiak harrera ona izan zuten, hala nola, Ginkana, kontzertuak, hitzaldiak, mus lehiaketa etb.

Recibe nuestras newsletters en tu email

Apúntate