Diario Vasco

Hilaren 18ra arteko epea egongo da ipuinak aurkezteko

Hilaren 18era bitartean egongo da ipuin lehiaketan parte hartzeko aukera. Idazteko zaletasuna bultzatzeko asmoz, Euskara Sailak hamabost urte antolatu du bere herritar kuttunaren izena daraman literatura lehiaketa. Bertan parte hartu ahal izango dute Andoain, Aduna, Alkiza, Asteasu, Amasa-Villabona, Anoeta, Irura, Larraul eta Zizur-kilgo herritarrek. Ipuinen gaia librea izango da, eta euskaraz idatzi beharko dira. Lanen luzerari dagokionez, hauek dira bete beharreko baldintzak: A maila: orrialde 1, B maila: 2 orrialde, C maila: gutxienez 2 eta gehienez 4 orrialde, D maila: gutxienez 3 eta gehienez 8 orrialde eta E maila: gutxienez 5 eta gehienez 12 orrialde. DIN A-4 neurrian aurkeztu behar dira, makinaz edo ordenagailuz idatzita. Lan bakoitzaren bi kopia entregatu behar dira, Zizurkilgo udaletxean edo Aurrerako udal-bulegoetan. Izenburuaren alboan, egilearen izengoitia eta adina jarri behar dira, egilearen nortasuna gordetzeko. Lanekin batera, gutun-azal itxi bat aurkeztuko da, eta bertan jarriko dira egilearen izen-abizenak, helbidea, telefonoa eta adina. Gutun-azalaren kanpoaldean, lanaren izenburua eta egilearen adina bakarrik jarriko dira. Sari-banaketa abenduaren 23an izango da, eta sariak ere adinaren araberakoak izango dira.

Recibe nuestras newsletters en tu email

Apúntate