Diario Vasco

Ferie jendetsua izan zen igandean Belauntzan

Abereak erakusgai zituzten baserritarretako batzuk. Jende ugari hurbildu zen plazako azokara.
Abereak erakusgai zituzten baserritarretako batzuk. Jende ugari hurbildu zen plazako azokara. / ARGAZKIAK YARZA

Eguraldia lagun, Belauntzako Feriek zortzigarren edizioa ospatu zuen igandean. Goiz guztian jende ugari hurbildu zen plazara bertan zeuden postuetako produktuak ikustera eta erostera.

Azokan herriko zein probintziako produktuak zeuden ikusgai. Herriko baserritarrek etxeko barazki, fruitu eta gozoak saldu zituzten eta hainbat artisautza postu ere izan ziren, bitxiak, lore eta landareak, egurrarekin egindako lanak, ukenduak, lurrinak, xaboiak, gozogintzako produktuak, eta abar.

Jan eta edateko aukera ere izan zen plazan, Martintxo elkarteko kideek prestatutako pintxo eta edariekin. Bestalde, Udaletxe ondoko plazan abere erakusketa zegoen. Herriko baserrietatik ekarritako abereak izan ziren ikusgai, hala nola, behorrak, astoak, ardiak, oiloak eta oilarrak, behiak, ahuntzak, untxiak, antzarak, zerrama txerrikumeekin, eta abar. Haurrak gustura ibili ziren animaliak gertutik ikusten eta ponietan ibiltzeko aukera ere izan zuten.

Recibe nuestras newsletters en tu email

Apúntate