Diario Vasco

Giro ezin hobean kantuan

Kantu jira eta haurrentzako tailerra.
Kantu jira eta haurrentzako tailerra. / ARGAZKIAK NÚÑEZ
  • Elekun abesbatzako kideek egin zuten kantu jira. Zientziaren asteak aurrera darrai eta gaur telefono mugikorraren erabilerari buruzko tailerra dago

Eguraldi ona lagun, kantu jira egin zuten Elekun abesbatzako kideek. Udaletxe aurrean hasi zuten ibilbidea eta herrigunean kantari ibili ziren. Bitartean tabernetan eta gaztetxean pintxo potea eskaini zuten, giro ederra sortuz.

Haurrek ere ederki pasa zuten ikastetxean izan zen ipuin kontaketa eta esperimentu saioarekin. Adi-adi jarraitu zituzten Ana Galarragak eguneroko gauzekin zituen esperimentuak, besteak beste, globoekin eta xaboiarekin.

Gaurko egitaraua

Gaur arratsaldean Legorpartyk antolatuta telefono mugikorraren erabilerari buruzko tailerra eskainiko da Aldaieta elkarteko kideentzat udaletxeko batzar aretoan, arratsaldeko 17:00etan.

Bi ordu beranduago, 19:00etan, buruhandiak izango dira eta 19:30ean 'Izarretatik etxeko bonbiletara (esperimentu bidez)' hitzaldi-tailerra emango du Fernando Plazaola EHUko ikerketaren arloko errektoreordeak Herri Antzokian.

Amaitzeko, gaueko 23:00etan, XXII. Mus Txapelketa jokatuko da Bilkoin elkartean.

Recibe nuestras newsletters en tu email

Apúntate