Diario Vasco

Goierri BirZirik herri plataforma jaio da

Mutiloako udaletxean izan zen bilera.
Mutiloako udaletxean izan zen bilera. / S. O.

Ia 100 goierritar elkartu ziren asteartean Mutiloako udaletxean burututako bileran, «Gipuzkoako Hondakinen Kontsortzioak udalerriko lurretan kokaturik dagoen Cespa SA enpresaren Lurpe hondakindegira zaborra eramateko publiko egindako mehatxuari aurre egin eta birziklapena eta gaikako sailkapena bultzatzeko helburuekin».

Bileran, gaiaren gaineko informazioa eman, eta hurrengo ildoak landu zituzten: plataformaren helburuak, beharrezko egitura, izena eta aurrerantzean burutu beharreko ekimenak.

Taldekako dinamikaz baliatuz, lantalde txikitan jorratu zituzten gaiak, azaldutako herritar guztien parte-hartze aktiboa lortuz. Ateratako ondorioak amankomunean eztabaidatu, eta emaitza definitiboak zehaztu zituzten, bi ordu pasatxoko iraupena izan zuen bilera emankorrean.

«Zabor kutsakorra»

Aho batez Goierri BirZirik plataformaren sorrera adostu zuten, eskualde mailako izaera lortu nahi duena. Aukeratutako izenarekin, hurrengo ideiak uztartu nahi izan dituzte. «Goierri bizirik dago, eta ez du nahi eskualde kanpotik etor litezken zabor kutsakorrik. Birziklapena eta gaikako sailkapena da zabortegietara doazen hondakinen kopurua murrizteko gakoa, zentzugabekoa da gutxiago birziklatzen duten eskualdetako zaborra Goierrira ekar-tzea», azaldu zute.

Hurrengo asteetarako ekimen egutegia antolatzeko beharra ikusi zuten. Herritar guztiei eskatzen diete ekimen hoien jarraipena egin eta babestea, eta plataforman parte har-tzeko gonbitea luzatzen diete goerritarrei. Harremanetarako helbidea ere aurkeztu zuten: goierribirzirik@gmail.com

Recibe nuestras newsletters en tu email

Apúntate