Diario Vasco

Gaur zinea eta 'kimika sukaldean' hitzaldia antolatu dute kultur astean

Herriko haurrek ederki pasa zuten buruhandiekin.
Herriko haurrek ederki pasa zuten buruhandiekin. / NÚÑEZ

Aurrera doa Legorretan zientzia protagonista duen Kultur Astea. Haurrentzako zein helduentzako ekitaldiak izan dira. Haurrek buruhandiekin nahi adina korri eta jolas egiteko aukera izan zuten eta helduek hirugarren adinean kontuan hartu beharreko ohitura osasuntsuen inguruan Felix Zubia medikuak eskainitako hitzaldia gogoz jarraitu zuten. Bestalde, astelehenean jokatu behar zen Jubilatuentzako toka, bote eta igel txapelketa atzeratu egin zen eta azaroaren 3an jokatuko da, 16:00etan.

Gaur gaztetxoentzako 'Wall-e' filma egongo da Herri Antzokian 17:00etan eta 18:30ean Josu Lopez-Gazpio Kimikan doktoreak 'Kimika sukaldean' erakutsiko du Bilkoin elkartean. Gainera 19:00etan buruhandiak aterako dira eta 21:00etan 'Interestelar' filma ikusteko aukera egongo da Herri Antzokian.

Matematika argazkiak

Gainera, astean zehar Goiener kooperatibak argindarraren fakturaren inguruko hitzaldi-tailerra eskaini zuen eta kultur etxean Lenmiskata elkarteak lehengo urtean antolatutako matematika argazkien lehiaketara aurkeztutako argazkien erakusketa ireki zen. Azken edizio horretako lehen sariduna Xabier Mata legorretarra izan zen 'Inguratua' lanarekin.

Recibe nuestras newsletters en tu email

Apúntate