Diario Vasco

Odol emaileen dominak jaso dituzte bost herritarrek

Odol emaile sarituak larunbatean Olaberrian.
Odol emaile sarituak larunbatean Olaberrian. / A. E.

Odol emaileen dominak banatu ziren larunbatean Olaberrian. Bailarako hainbat elkarteko emaileentzat banatu ziren oroigarriak eta han ziren Segurako elkartekoak. Hain zuzen, urrezko domina jaso zuten Egoitz Berasategi eta elkarteko presidente den Marga Martinek. Zilarrezko oroigarriak Bittor Martinez, Martin Mujika, Ana Zeberio eta Gorka Izagirrek jaso zituzten. Zilarrezko domina jaso zuen baita ere Peio Pintok, Segurako elkartean odola ematen duen mutiloarrak.

Herri batzarrak

Herriko plaza, Errebote plaza, arboladia eta frontoi zaharra berrantolatzeko egitasmoaren inguruan herri batzarrak antolatu ditu udalak, herritarrek eremuaz mintzatzeko eta ekarpenak egiteko aukera izan dezaten. Asteazkenean izango dira bilerak, bat goizean eta bi arratsaldean; 10:00etan, euskaraz izango da. 17:30ean, erdaraz eta, 19:00etan, euskaraz. Eguraldi onarekin Errebote plazan egingo dira eta txarrarekin kultur etxean.

Recibe nuestras newsletters en tu email

Apúntate