Diario Vasco

Parte hartze handia rolleski igoeran

Guztira laurogeita bost parte-hartzaile izan ziren rolleski igoeran.
Guztira laurogeita bost parte-hartzaile izan ziren rolleski igoeran. / ARGAZKIAK NÚÑEZ

Hernialderako rolleski igoerak bere XVI. edizioa bizi izan zuen atzo giro ederrean. Eguraldia lagun izan zen eta 85 parte hartzaile atera ziren, azken urteotako kopururik altuena, Tolosatik Hernialdeko plazara dauden hiru kilometro eta berrehun metroak osa-tzeko, klasiko eta skating mailan. Haurrentzako proba ere antolatu zen, kilometro eta erdikoa, Anoetako bidegurutzetik plazaraino.

Ordu laurden eskas behar izan zuten lehen partaideek ibilbidea osatzeko. Josu Erkizia izan zen azkarrena, 13'28" denboran, skating eran eta Carlos Lannes klasikoan 13'48" denboran. Emakumezkoetan, Uxue Loizu izan zen lehena skating-ean, 16'35" denboran, eta Maialen Lopez klasikoan, 15'41" denboran. Beteranoetan, Mariano Lavin izan zen lehena skating-ean 14'43" denboran eta klasikoan Peru Esteban izan zen garaile gizonetan, 15'47" denboran, eta Amaia Abanzabalegi emakumezkoetan, 22'36" denboran. Infantil mailan Xabi Maeztu, 9 minutu eta 43 segundorekin, eta Olaia Uharte, 8 minutu eta 23 segundorekin, izan ziren lehenak.

Gipuzkoako zein beste probin-tziatatik etorritako parte hartzaileak izan ziren berriro ere atzo lasterketan, Tolosa, Iruña, Uharte, Madril, Jaca, Donostia eta Erronkarikoak, besteak beste. Amaitutakoan antolakuntzak merienda eskaini zuen guztientzat elkartean, sari banaketaren aurretik. Irabazleek gazta bana jaso zuten eta Aralar Kirolak-eko erosketa txartelak zozkatu ziren.

Recibe nuestras newsletters en tu email

Apúntate