Diario Vasco

Bost partida jokatuko dira gaur Arizti Haundin

Lazkao Kirol Elkarteko futbol taldeei dagokienean, bost partida lehiatuko dituzte Arizti Haundin asteburuan. Gaur bertan jokatuko dira bostak, goizeko 9:00etan hasita, eta infantil mailako neskak izango dira lehenak, Goierri Gorri 'A' taldea Goierri Gorri 'B' taldearen aurkako partidan. 10:15ean, maila bereko mutilen txanda izango da, Lazkaoko ohorezko infantilen taldea Danena KEaren aurka arituko da Arizti Haundin, eta ondoren emakumezkoen ohorezko kadetea talde ordiziarraren auka lehiatuko da, 12:15ean. Azkenik, arratsaldean, jubenil mailako bi taldeek jokatuko dute zelai lazkaotarrean. Neskak lehenengo, 15:30ean, Zarauztarren aurka, eta mutilak ondoren, 17:30ean, Ordiziko taldearen aurka.

Gainontzeko talde lazkaotarrek etxetik kanpo jokatuko dute oraingoan. Lehenengo mailako erregional taldeak Ordizian egingo du gaur, 18:15ean; euskal ligako neskek Gasteizen, 18:00ean; lehen mailako kadeteak Idiazabalen, 11:00etan; eta infantil mailako emakumezkoen hirugarren taldea, Goierri Gorri 'C', Andoainen izango da 9:00etan, Euskaldunaren aurkako partida lehiatzen.

Bihar, igandea, ohorezko kadete mutilek jokatuko dute Aretxabaletan, 12:00etan; futbol eskolako alebinek Zizurkilen, 9:30ean; lehen mailako kadeteko neskek Bergaran, 15:30ean.

Recibe nuestras newsletters en tu email

Apúntate