Diario Vasco

«Udalak argitara eman zuen agiria goragalea eragin dit», dio Errekondok

Jakoba Errekondo.
Jakoba Errekondo. / M. G.
  • Zeraintzen SA-ko langile ohiak bere «kaleratzeari» buruzko iritzia eman du Udalak pasa den astean argitaratuko idatziaren harira

Jakoba Errekondok aste beteko isiltasuna mantendu du, pasa den astean bere inguruan hainbat eztabaida sortu ondoren. Alde batetik Zeraingo Herri Kandidatura eta bestetik Zeraingo Udala. Bere kaleratzeari buruzko iritziak eman zituzten bi aldetik. Atzo, bere txanda izan zen eta herriko Gobernuak esan zuenari gogor erantzun zion. «Udalak, 2016ko urriaren 5ean, argitara eman zuen agirian gezurra esaten jarraitzen du», dio hasteko.

Errekondok gertatutakoaren bertsio argia ematen du prentsa ohar batean. Hala dio, «Zeraintzen SA ixteko zenuten asmoaren berri uztaileko herri batzarraren aurretik ez zeniguten langileoi eman. Langileok Zeraintzen itxi behar zenutela udaletxeko kanpoko aldeko tabloiean jarritako deialdi baten bidez enteratu ginen».

«Ez dute subrogazioa eskaini»

Hortik aurrera, garrantzia handia duen zehaztapena subrogazioaren gaian. Udalak bere agirian zera zioen, «udaleko langile izateko aukera eskaini diegu (Errekondori eta beste langile bati) subrogazioaren bidez». Jakobaren erantzuna, «subrogazioak esan nahi du laneko baldin-tzak eta betebehar guzti-guztiak mantentzen direla. Zuek ez duzute subrogazioa eskaini, langilearen lan-baldintzak kaxkartzea eta oker-tze hutsa baizik. Jakoba Errekondok ez zuen %40ko lanaldia, %100ekoa baizik. Zuek eskaini duzuena ez da %40tik %50era igotzea, bizik eta %100etik %50era jaistea», argitzen du paisajistak.

«Era berean», jarraitzen du esaten, «gezurrez jositako idatzi hori zuen partidu polikitoaren sareen bidez zabaldu duzute, nire gaiaren erabilera politiko zekena eginez. Pertsonen arteko harremanak eta akordiorako jarrerak baztertuz, sentiberatasun zipitzik gabeko bideari heldu diozute. Zuen ekinbide horrek goragalea eragin dit. Zuen taldeak erabaki politiko bat hartu du, Zerain-tzen SA ixtea, eta erabaki horren ondorioz Jakoba Errekondo kaleratua izan da. Berriro diot: kaleratua».

«Udala garbitzen»

«Kaleratzearen inguruko tira-bira publikoak izan diren artean erabat argigarria den gauza bat» gertatu dela dio Errekondok, «EH Bilduko Udaleko zinegotzi batek publikoa den whatsappezko talde batean zera ida tzi du 'Oraindik Udala garbitzen seittuko deu'». Mezu honen inguruan ere bere iritzia eman nahi du Errekondok, «nire arazoaren tartean hori idazteko kopeta behar du koitaduak!!! Hori esan eta idatziz uzteko adinako harropuzkeria du! Honek niri garbi adierazten dit zinegotzien arteko pentsamentua nondik norakoa den: Udala zikinduta dago, Jakoba bota dugu, baina oraindik zikina gelditu da eta garbi- tzen segi behar dugu. Pentsatze hu-tsa izugarria da, baina hori jendaurrean esan eta idatzita uzteko haizetuta egon behar du batek. Horrek azaltzen du Udal talde honen benetako mentalitatea zein den. Jo eta garbitu!». Udal Gobernuari egotzi egiten dio hurrengoa, «honek arrazoitzen du Udalera sartu zaretenetik langilego osoarekiko zuen jarrera. Inolako gutxieneko begirunerik gabeko tratua, ezta zakurrari ere ematen etzaiona, oinarrizko gizalegea eta errespetua ukatuz. Honek laneko giroa eta langilegoaren lanerako grina zapuztu ditu, erabat».

Agurra

EH Bilduren Udal Gobernuak hilaren 5ean bidalitako agirian zera zion, «urte hauetan guztietan egindako lana eskertzeko eta agur esateko aukera izango dute herritarrek hilaren 20ean, arratsaldez, Udalaren iniziatibaz eta Jakobarekin adostuta jarritako hitzorduan». Honen inguruan ere du erantzuna Errekondok, «pentsatuko duzun bezala, gertatu diren hauek denak gertatuta, agurtu ginen egunean aipatu zenidaten herriarekin 'despedida' bat egiteko zuen gogoa ere erabat gezurrezkoa eta maltzurra dela ikusten dut. Ondorioz ez dut inondik inora horrelako ezertara agertzeko inolako asmorik. Zeraingo herritarrengandik agurtzeko aukera gehiago ere izango dira etorkizunean. Benetan agur hori sentitua izango dutenekin topo egingo dut, lasai, zuen bitartekaritzarik gabe».

Recibe nuestras newsletters en tu email

Apúntate