Diario Vasco

Teodoro Hernandorena ipuin lehiaketan azaroaren 18ra arte aurkeztu ahal izango dira lanak

  • Ipuinen gaia librea izango da, eta euskaraz idatzi beharko dira. Sari-banaketa abenduaren 23an izango da

Azaroaren 18era bitartean egongo da ipuin lehiaketan parte hartzeko aukera. Idazteko zaletasuna bultzatzeko asmoz, Euskara Sailak hamabost urte antolatu du bere herritar kuttunaren izena daraman literatura lehiaketa. Bertan parte hartu ahal izango dute Andoain, Aduna, Alkiza, Asteasu, Amasa-Villabona, Anoeta, Irura, Larraul eta Zizurkilgo herritarrek. Adinaren arabera, bost mailatan banatuko dira parte-hartzaileak: A maila: 6 eta 8 urte bitartekoa, B maila: 9 eta 11 urte bitartekoa, C maila: 12 eta 13 urte bitartekoa, D maila: hamalau eta 16 urte bitartekoa eta azkenik E maila: 17 urtetik gorakoentzat.

Ipuinen gaia librea izango da, eta euskaraz idatzi beharko dira. Lanen luzerari dagokionez, hauek dira bete beharreko baldintzak: A maila: orrialde 1, B maila: 2 orrialde, C maila: gutxienez 2 eta gehienez 4 orrialde, D maila: gutxienez 3 eta gehienez 8 orrialde eta E maila: gutxienez 5 eta gehienez 12 orrialde. DIN A-4 neurrian aurkeztu behar dira, makinaz edo ordenagailuz idatzita. Lan bakoitzaren bi kopia entregatu behar dira, Zizurkilgo udaletxean edo Aurrerako udal-bulegoetan. Izenburuaren alboan, egilearen izengoitia eta adina jarri behar dira, egilearen nortasuna gordetzeko. Lanekin batera, gutun-azal itxi bat aurkeztuko da, eta bertan jarriko dira egilearen izen-abizenak, helbidea, telefonoa eta adina. Gutun-azalaren kanpoaldean, lanaren izenburua eta egilearen adina bakarrik jarriko dira.

Sari-banaketa abenduaren 23an izango da, eta sariak ere adinaren araberakoak izango dira: A mailako 1. saria: oparia. 2. saria: oparia. B mailako 1. saria: oparia. 2. saria: oparia. C mailako 1. saria: 90 euro. 2. saria: oparia. D mailako 1. saria: 150 euro. 2. saria: oparia eta E mailako 1. saria: 450 euro. 2. saria: oparia. Lehiaketako oinarriak Zizurkilgo Udal bulegoetan daude eskuragarri.

Teatro para todos

La comisión de Cultura ha presentado las citas teatrales para este mes de octubre. Para los adultos, el domingo, 'Hey bro! Hipster Show', con Rafael Maza (6 euros). Para los más jóvenes, el 23, domingo, 'Peru eta otsoa', de Didau Faktoria (4 euros).

Nafarroa Oinez Zizurkildik

Igandean izango da Nafarroako Ikastolen Aldeko Jaia, Viana-Lodosan. Galtzaundi Euskara Elkarteak autobusa antolatu du, eta autobus horrek geldialdia egingo du Zizurkilen, goizeko 8:55ean, Oria paper-fabrikaren aurreko autobus-geltokian. Txartelak Zizurkilgo Udalaren Ernio Bidea 9A, behea helbideko bulegoetan (Joxe Arregi plazan) eskura daitezke, urriaren 14ra bitartean. Txartelaren prezioa 12 eurokoa da, eta 10 eurokoa Atarikideentzat.

Diru-laguntzak

Hilaren 31n bukatutako da establezimenduetako errotuluak euskaraz jartzeagatik eta web guneak euskaraz egiteagatik diru-laguntza eskaerak aurkezteko epea. Diru-laguntza horiei buruzko informazioa nahi duenak, Villabonako Udaleko web orrian edo Euskara Zerbitzuan bertan izango du eskuragai. Informazioa 943-693.501 edo euskara@villabona.eus helbide elketronikoan.

Recibe nuestras newsletters en tu email

Apúntate