Diario Vasco

Ibarrako Azkue auzoak V. Azku eguna antolatu du larunbat honetan

Goizeko 11:00etako txupinazoak emango dio hasiera Ibarrako Azkue auzoko jaiari, eta segidan, bertako musikariekin kalejira egingo dute buruhandiekin batera, plazarantz. Bertan, 11:15ean, haur jolas kooperatiboak egongo dira.

Eguerdi aldera, toka lehiaketa egongo da, baita pintxo potea ere, eta Ziribulio Sound taldeak alaituko du bere musikarekin. 14:00etan, auzoko bazkaria hasiko da: sarrerak Erre-berri okindegian eskuratu ahalko dira. Prezioa hamar eurokoa da, eta 18 urtetik beherakoek lau euroren truke eskuratu ahalko dituzte. Prezioaren barnean, paella, ogia, edaria, postrea, kafea eta hurrupa bat daude. Arratsaldea joko eta tailerrek osatuko dute. 16:00etan esaterako, bingo partida egongo da, eta jarraian, gaztetxoentzat eskulanak, Gaztetxulon. Ondoren, 'Pituxa clowntu kontari' ikuskizuna eskainiko dute bertan; sarrerak doakoak izango dira.

Musikaz ere gozatu ahalko dute auzotarrek, Errukirik gabe oztopo taldearen emanaldiarekin, 19:00etan. Kontzertua bukatu eta gero, jaiari amaiera emango diote, auzolaneko garbiketarekin.

Recibe nuestras newsletters en tu email

Apúntate