Diario Vasco

Gael taldea txapeldun izan da lau mailatan

Infantil taldeko kideak Lloreten.
Infantil taldeko kideak Lloreten.

Joan den asteburuan Gipuzkoako herri txikietako areto futboleko taldeak, Gaelek, Kataluniako Lloret de Mar herrian jokatu zen txapelketan parte hartu zuen. Lau talde izan ziren bertan eta emaitza ezin hobeak lortu zituzten denboraldiari hasiera bikaina emanez, maila guztietan txapeldun izan baitziren.

Alebin mailan talde batek huts egin ondoren, Lloreteko taldea izan zuen aurkari bakarra Gaelek, eta bi partidetan garaitu zituzten etxekoak, 0-9 lehenengoan eta 2-7 bigarrenean. Infantiletan, Ganbia eta Lloret izan zituzten aurkari. Ganbiaren aurka 3-2 irabazi zuten eta etxekoen aurka 2-7 gailendu ziren.

Infantil eta kadeteek osatutako taldeak porrotarekin hasi zuen txapelketa, 1-0 emaitzarekin, Lloreten aurka. Hala ere, bigarren partiduan itzulia ematea lortu zuen eta Torderaren aurka 0-6 irabazi zuen, taldeko lehena geratzeko alde nahikoarekin. Lloretek 1-3 galdu baitzuen Torderaren aurka.

Kadeteetan, Lloreteko bi talderen aurka aritu ziren eta bien aurka garaipen zabala lortu zuten Gaelekoek. Lehen partiduan, B taldearen aurka, 0-5 irabazi zuten eta A taldearen aurka 1-5.

Recibe nuestras newsletters en tu email

Apúntate