Jende asko hurbildu zen Zizurkilgo Azoka berezira

Eguraldiaren laguntzarekin, ederra izan zen XIX. Azoka eguna Zizurkil goian. Goizean zehar jendetza ibili zen Teodoro Hernandorena kalean eta inguruetan, eta baita Intxaur frontoian ere. Bertan zer esana Paleike (Ainhoa Mujikak eta Idoia Elosegik ) %100 material birziklatuz egindako artisautza txoko berezia izan zen azokan., Bestalde, Pinturak (Dario Arteta), Beira puztua (Argi Badago), burdina birziklatua (Axun Jauregi), Zeramika (Vicente Alcaide)... postuak jarri zuten. Gastronomia postuak Teodoro Hernandorena kalean egon ziren eta bertan denetarik erosteko aukera izan zen: baserriko produktoak, pateak, gaztak, eztia, loreak, gozogintza, bertako garagorda, arropak, bitxigintza, oihalak, kremak makrame lanak, foie naturla, erlezaintza, Perretxikoak, onddo freskoak eta fruitu lehorrak.....