Diario Vasco

'Pausoka Lazkao'k ibiltzera joateko gonbitea luzatzen die herritarrei

Datorren asteartean izango da lehen ibilaldia.
Datorren asteartean izango da lehen ibilaldia.
  • Hilaren 11n, asteartean abiatuko da, goizeko 10:30ean, ekimen berri hau

Datorren asteartean, urriaren 11n, ekimen berri bati emango zaio hasiera Lazkaon. Eusko Jaurlaritzaren osasun zerbitzutik iritsi zen udaletara martxan jar-tzeko proposamena hau eta izen desberdina hartu du, herriaren arabera. Lazkaoko kasuan, Pausoka Lazkao.

Pausoka Lazkaok taldean ibiltzera gonbidatzen ditu lazkaotarrak horretarako diseinatutako ibilbideak partekatuz, gure osasunarengan eragin eta elkarreragina sustatuz. Ekimenak zenbait helburu bete nahiko lituzke antolatzaileen esanetan, hala nola, «osasuna hobetu, nor berak bere burua aktiboago bihurtu, Lazkao hobeto ezagutu, lagun berriak egin edo esperientzia berriak partekatu, besteak beste. Ibiltzeak ez du ahalegin handiegirik eska- tzen eta ohikotzat hartzen bada osasunarentzako onurak ezbairik gabekoak izango dira», diote osasun zentrutik.

Osakidetzako herri anbulatorioa eta udalaz gain Txindoki egoitzak, Orobione zentro sozialak, San Benito ikastolak, Nagusilan boluntario taldeak eta Azki emakumeen elkarteak ere parte hartuko dute ekimenean eta batez ere, 65 urtetik gorako pertzonentzat pentsatuta egon arren, lazkaotar guztiei dago irekita.

Urriaren 11tik ekainaren 20ra

Eskola egutegira kontuan hartuta moldatu da egutegia, urriaren 11tik ekainaren 20ra hain zuzen, eta ibilbide alternatiboak proposatu dira parte hartzaileen ahalmenaren arabera burutzeko.

Luzeraren araberako sei ibilbide planifikatu dira guztira eta bi egingo dira astero, bat motza eta beste bat erdikoa edo luzeagoa. Motzenak 591 metro ditu eta luzeenak 4,1 kilometro.

Irteera goizeko 10:30ean izango da asteartero, udaletxeko arkupetik, eta izena eman behar da bertan. Parte hartzaile bakoitzak fitxa bat jasoko du, egun bakoitzean zigilatuko diotena.

Amaiera Orobione tabernan salda beroa dastatuz izango da normalki, hilean behin Txindoki egoitzan izango den arren. Egun horretan Txindokiko egoileak batuko zaizkie ibiltariei, San Benitoko ikasleek lagunduta.

Recibe nuestras newsletters en tu email

Apúntate