Diario Vasco

Euskal Herriko Dantza Solteko txapelketan 10 bikote arituko dira

  • Urriaren 15ean, larunbatean, jokatuko da lehiaketa Baratze pilotalekuan. Egunean zehar Dantza Eguna burutuko da

Euskal Herriko Dan- tza Solteko txapelketaren 40. ekitaldian 10 bikotek parte hartuko dute. Urriaren 15ean, hurrengo asteko larunbatean, jokatuko da txapelketa Baratze pilotalekuan eta egun guztian zehar Dantza Eguna burutuko da.

Iazko bikote irabazlea, Iker Sanz eta Lierni Kamio, ez da izango oholtza gainean. Iker Sanzek parte hartuko du, baina Ane Urrozolarekin. Hamar bikote, hiru lurralde eta txapel eta lepoko bana, dan-tzari hauek arituko dira oholtza gainean fandango eta arin-arinean: Gorka Kerejeta eta Leire Eizmendi, Amets Amubieta eta Larraitz Larrañaga, Xabier Artola eta Idoia Besada, Ibai Jimenez eta Iratxe Lizarburu, Pierre Latasa eta Ihintza Handy, Julen Murgiondo eta Saioa Galarraga, Mikel Subinas eta Maite Beobide, Iker Sanz eta Ane Urruzola, Beñat Olano eta Paula Gonzalez eta Julen Berrondo eta Nagore Berrondo.

Dantza eguna

Arratsaldeko dantza saioaren aurretik I. Dantza Eguna ospatuko da. Egun osoan zehar izango dira ekitaldiak, dantza plaza gidatuekin, polka erraldoiarekin edo bazkariarekin. Bazkarirako txartelak salgai daude, 8 euro helduak eta 4 euro umeak. Dantza Txapelketako sarrerak aurrez erosteko aukerarik ere bada, udaletxean, liburutegian edo Ardixarra etxean.

Recibe nuestras newsletters en tu email

Apúntate