Diario Vasco

Mendi irteera Murutegi eta Baio mendietara igandean

  • Gaur da izena emateko azken eguna

Lazkaoko Amalur Mendi Elkarteak eta San Benito Ikastolak mendi irteerei hasiera eman diete, urtero bezala. Esparruko erromeria egin eta gero igandeko planarekin emango diote jarraipena egutegiari. Entziako mendilerrora (Araba) joango dira; Andoin herritik (594 m.), Legaireko zelaietara abiatuz. Handik, Murutegira (1.168 m.) igoko dira lehenengo eta Baio (1.193 m.) mendira ondoren. Andoina (606 m.) herrira jaitsiko dira azkenik. Ibilaldiak 600 m. desnibela du eta lau ordu eta erdiko iraupena, gutxi gora behera. «Paisaia ikusgarriez gozatzeko aukera izango da», antolatzaileen esanetan.

Igandean, 8:00etan izango da irteera, Lazkaoko Itzala taberna paretik, eta itzulera 14.00ak inguru. Joan nahi duenak gaur izango du izena ematejo azken eguna, eguerdiko 14:00ak baino lehen. Horretarako, 657.72.21.31 telefono zenbakira deitu dezake edo amalur.me@gmail.com helbide elektronikora mezu bat bidali.

Ikasturteko mendi irteerak

Igande honetakoaz gain aurtengo urterako prestatutako mendi irteerak honakoak izango dira: Finalista eguna, Zegaman, urriaren 23an; Xoldokogaina, Lazkaoko bira eta Degurixa, azaroaren 6, 20 eta 27an; Goierriko birako etapa eta Andurio, abenduak 4 eta 18an.

Recibe nuestras newsletters en tu email

Apúntate