Bihar hasiko da ikasturte berria Alegiako Gaztelekuan

Bihar, ostegunarekin, hasiko da 2016-2017 ikasturtea Alegiako Gaztelekuan. Aurten, ordea, kokaleku berria izango dute gaztetxoek, Frankoni utzi eta Inaxio Begiristain kultur eta kirol etxean elkartuko baitira.

Bihar eta larunbatean izango dira ikasturte berriko lehenengo saioak. Bihar 6 eta 8 urte bitarteko haurrak eta DBHko lehenengo mailakoak izango dira Gaztelekuan: 16:00etatik 17:00etara 6 eta 8 urte bitarteko haurren-tzat eta horien gurasoentzat egongo da zabalik; hurrengo ordubetean adin tarte bereko haurren eta gurasoen bigarren taldearen-tzat; eta azkenik, 18:00etatik 19:00etara DBHko lehenengo mailako gaztetxoei egingo zaie ongietorria. Larunbatari dagokionez, 16:30etik 18:00etara bitartean 9 eta 11 urte arteko umeek merienda eta karaokea izango dituzte; eta 19:00etatik 21:00etara 12 eta 17 urte bitarteko nerabeek afari-merienda egingo dute.