Diario Vasco

Ugarteko festak izango dira asteburu honetan

Errosarioko Amaren Jaiak gainean dituzte ugartearrek. Hilaren 7an goizean goiz botako dute festei hasiera emango dien suziria, eta hilaren 9ra arte egitarau bete-betea izango dute aurretik.

Esan bezala, ostiralean 10:30erako kanpai-jotze eta suziriak iragarri dituzte festei hasiera emateko. 11:00etan meza nagusia ospatuko dute, segidan gaztetxoen pilota partidak izango dira ikusgai eta bazkal aurretik trikiti doinuak izango dituzte lagun Izer eta Alabierrekin. 17:30ean Alegiako Sutarri dantza taldeak emanaldia eskainiko du eta 21:00etan herri afaria egingo da. Erromeri garairako Izer eta Alabier gertu izango dira berriz ere, eta trikitilarien atsedenaldian toka txapelketa jokatuko da.

Larunbatean puzgarriak eta beste hainbat jolas izango dituzte aukeran txikienek goizez zein arratsaldez. 21:00etan zahagiardoa ospatuko da eta 22:30erako Ansorregi eta Larrañagarekin erromeria dago iragarrita. Igande goizeko meza nagusiaren ondoren txakolin probaketa ospatuko da plazan, eta arratsaldeko hitzordu nagusiak herri kirolen jaialdia eta Ingurutxoa izango dira. Lajaren trikiti doinuekin agurtuko dituzte festak ugartearrek.

Ordainketak

Udalak gogoratzen du 2016. urteari dagokion zabor bilketa zerbitzuaren tasaren ordainketa hilaren 30a baino lehen egin behar dutela amezketarrek.

Recibe nuestras newsletters en tu email

Apúntate