Diario Vasco

Bernardo Atxagaren hitzaldiak emango die hasiera Memoria Historikoaren baitan antolaturiko jardunaldiei

  • Asteazken honetan izango da, Herri Antzokian, 'Memoriaren etxea' izenburupean

Aurtengoan ere martxan dira Memoria Historikoaren baitan antolatzen diren jardunaldiak Herri Antzokian. Hurrengo asteazkenetik, urriaren 5etik hasi eta abenduaren 30erarte, 6 ekintzaz osaturiko programazioa atera dute aurtengoan, Atauniker Kultur Elkartea, Biboletak Ataungo Emakume Taldea, Murkondo Kultur Elkartea, Aitzarri Elkartea eta Ataungo Udalaren elkarlaneko partehartzeari esker.

Hala, urriaren 5ean, 'Memoriaren etxea' hitzaldia izango da Bernador Atxagaren eskutik, 19:00etan udaletxeko ganbaran.

Urriaren 25ean, 'Gerra gauza alua da' hitzaldia eskainiko digu Amagoia Gurrutxagak 19:00etan San Gregorioko Elkargunean.

Azaroaren 22an, 'Gu sortu ginen enbor beretik sor daitezen besteak. Euskararen gaineko diskurtsoez pentsatzeko gonbidapen bat' hitzaldia izango dugu udaletxeko Pleno Aretoan Idurre Eskisabel eta Lorea Agirreren eskutik 19:00etan.

Azaroaren 29an, 'La Sima' liburuaren aurkezpena izango dugu San Gregorioko Elkargunean Jose Mari Espartza idazlearen eskutik.

Abenduaren 18an, Gerraren hotsak. 'Francoren bilobari gutuna' antzezlana izango dugu Herri Antzokian Artedrama-Dejabu-Le Petit Théâtre de Pain-en (Euskadi) eskutik, 19:00etatik aurrera.

Abenduaren 30ean, gerraren ondorioak jasan zituztenei omenaldia. 18:00etan Aiako Memoria Historikoaren oroitarrian.

Odol ateratzea bihar

Odol Emaileen Elkartetik jakinarazi dutenez, bihar astelehena, arratsaldeko 7etatik 9etara, Joxemiel Barandiaran eskolan odol ateratzeak izango dira. Hauxe gonbidapena: «Berriro ere hemen gatozkizu zure laguntza eske, odol ateratze berri bat egiteko garaia iritsi baita. Horrela bada, odol beharrean daudenenganako zure eskuzabaltasun hori berriro ere agertu dezazun gonbitea luzatzen dizu Odol Emaileen Elkarteak. Jakina da gure inguruan dagoen odol eskasia, eta horregatik gustatuko litzaiguke zure esperientzia beste norbaiti kontatuko bazenio, ea bera ere animatzen den Elkarteko kide bihurtzen».

Recibe nuestras newsletters en tu email

Apúntate