Diario Vasco

Jende ugari Share elkartearen txistorra jatean

Trikitilariak arduratu ziren giroa alaitzetaz Share elkarteraino egin zuten ibilbidean.
Trikitilariak arduratu ziren giroa alaitzetaz Share elkarteraino egin zuten ibilbidean. / ARGAZKIAK NÚÑEZ
  • Irurako San Migel jaiek azken eguna izango dute gaurkoa egitarau zabalarekin

Ohitura den bezala, atzo arratsaldean buruhandiek eta erraldoiek kalejira egin zuten Loatzo musika eskolako txistulari eta trikitilariekin. Herritar asko hurbildu ziren plazara beraiekin jolasteko eta jarraian Share elkarteraino egin zuten kalejiran parte hartzeko. Izan ere, bertan bildutako hHaur, gazte zein helduek gustura jan zituzten banatutako pintxoak.

Gaurko egitaraua

Irurako aurtengo San Migel jaiak euren amaierara iritsiko dira gaur. Azken egun honetarako prestatutako egitaraua goizeko 11:30ean jarriko da martxan. Izan ere, ordu horretatik aurrera xare partidak jokatuko dira trinketean Ametsa pilota elkarteak antolatuta.

Ordubietan, berriz, herri bazkariari emango zaio hasiera San Migel plazan eta ondoren kantu-poteoa egingo da Joxe Mendizabalek alaitua. Gaua iristean, hain zuzen ere 22:45ean, herensugea erreko da eta jarraian Kimbala eta Bi Bala taldeen kontzertua hasiko da. Ondoren, eta egunari eta festei amaiera bikaina emateko Dj Bull-ekin musika saioa izango da San Migel plazan.

Recibe nuestras newsletters en tu email

Apúntate