Diario Vasco

Giro paregabea San Migel egunean

Haur eta gazteek bikain pasa zuten puzgarri ikusgarri honetan.
Haur eta gazteek bikain pasa zuten puzgarri ikusgarri honetan.

. Lazkaotarrek atzo San Migel festa ospatu zuten, adin guztietako herritarrentzat prestatutako ekintzekin gainera. Puzgarrietan ibili ziren goiz eta arratsalde gaztetxoenak, eta buruhaundiak, musika eta afari herrikoiaren ondoren, Drindotsekin dantzan amaitu zuten eguna haur eta helduek herriko plazan.

Bestalde, jubilatuek ere euren eguna izan zuten ohiko meza eta bazkariarekin eta Arrietan antolatutako dantza saioarekin agurtu zuten jai eguna hauek ere.

Pelota txapelketa

11:30ean hasita, Lapkekoek urtero antolatzen duten San Migel pilota txapelketako azken partidak atzo jokatu ziren plazako pilotalekuan. Kimuen mailako pilotariak izan ziren lehen finala jokatu zutenak, Markel Garmendia eta Markel Iturbek osatutako bikoteak eta Markel Casado eta Markel Amoztegik osatutakoak hain zuzen ere, eta bigarrenak izan ziren txapeldun 12-16 amaitu zen partidaren ondoren.

Umeen mailako finala jokatu zen gero, Nicolas Contreras-Unax Aldasoro eta Aimar Ezkurra-Jokin Askarai bikoteen artean, eta lehenak nagusitu ziren hontan, 16-07.

Haurren mailan Aitor Kerejeta eta Xabier Naldaizek osatutako bikotea izan zen txapelduna Iñaki Urrestarazu-Beñat Zubizarretaren aurka, 18-15, eta Gazteak mailako finalean Arkaitz Baztarrika eta Iñaki Galdosek osaturiko bikoteak, Josu Etxeberria- Ander Garmendia bikotea menperatu zuen, 22-10.

Recibe nuestras newsletters en tu email

Apúntate