Diario Vasco

Dagoeneko 210 lagunek eman dute izena urriaren 8ko Leitzuliarako

Txirrindulariak leku ederretatik pasako dira.
Txirrindulariak leku ederretatik pasako dira.
  • Izen-ematea astelehena arte zabalik dago www.kirolprobak.com web orrialdean

Urriaren 8an izango da Leitzako lehen BTT itzulia. Dagoeneko dena prest dute egun horretarako Aurrera Elkarteko Mendibil BTT taldekoek. Diotenez «Leitzako paraje, xenda, igoera, jaitsiera... ederrenekin» 42 kilometroko ibilbidea prestatu dute, 1.400 metroko desnibel metatua duena.

Ibilbidea Leitzako plazan hasi eta bertan bukatuko da. Plazaolatik barna eginen dira lehenbiziko kilometroak baina hortik aurrerakoak Lei-tzako kaxkoak zeharkatuz osatu beharko dituzte. Ez da proba lehiakorra eta guztia mendiko xenda eta basoetan barna eginen da, errepiderik ia zapaldu gabe.

Izen-ematea astelehena arte

Izena emateko epea urriaren 3ra arte dago zabalik eta internet bidez, www.kirolprobak.com helbidean soilik egin liteke. 18 urtetik gorakoei zuzenduta dagoen proba dela diote antolatzaileek.

Federatuta dauden lagunek 15 euro ordaindu beharko dituzte eta federatuta ez daudenek berriz, 18 euro. Trukean, parte-hartzaileek hainbat opariz betetako poltsa jasoko dute. Zeharkaldian bi hornidura puntu ere jarriko dituzte eta dutxak, bizikletak garbitzeko mangerak, aparkalekuak... prestatuko dituzte. Opariak ere zozketatuko dituzte eta helmugan edariak eta pintxoak ere jarriko dituzte.

Izena emateko listak irekita daude kirolprobak-en. Prezioak hauek dira: 15euro federatuak (mendiko federatua+btt ere bai balio du) 18euro ez federatuak. Precioan anoak, kamiseta eta opari zozketa sartuta daude bertan, baita dutxa,helmugako anoa.

Aurrera eguna bihar

Aurrera elkarteko lagunek euren egun handia izango dute bihar eta dena prest dute horretarako. Goizeko 9etan emango diote hasiera egitaruari txistulariek joko duten dianarekin. Ordu horretan plazatik abiatuko dira Mendibil BTT taldekoak, Leitzan barna irteera egiteko. Haurrentzako rokodromoa eta zaldi ibilaldiak ere antolatu dituzte plazan 11:00etik 13:00etara. 12:00etan Aurrerako dantzarien emanaldia izanen da eta segidan, Incansables txarangak alaituko ditu herriko bazterrak.

Arratsaldeko 14:30ean karrapean bazkideen bazkaria izanen da eta ondoren ingurutxoa dantzatuko dute. 21:30ak aldera luntxa eta ondoren, Joxe Mendizabalen eskutik dantzaldia izanen da.

Recibe nuestras newsletters en tu email

Apúntate