Diario Vasco

Euskal Herriko Mendi Duatloi Zirkuitoan zegamarrak lidertzan

Ederki ari dira zegamarrak.
Ederki ari dira zegamarrak. / J. O.

Aurtengoan ere Zegamako Elkartu Nahi Txirrindulari Elkarteko kideek modu ezin hobean ekin diote txapelketari. Lau proba ospatu ondoren, txapelketako lidertzan Aitor Perez Arrieta dugu eta taldekako sailkapenean bina garaipenekin Elkartu Nahi eta Galarregi Galdaratz taldeak aurkitzen dira lehen postuan.

Datorren larunbatean, urriak 1, Arriaranen jokatuko da Euskal Herriko Mendi Duatloiko Zirkuitoko hurrengo proba, non zegamarrek lidertzari eusten saiatuko dira. Azaroaren 26an, berriz, lehen aldiz, Duatloi Zirkuituko azken proba Zegaman jokatuko da eta aipagarri gisa, bertan Euskal Selekzioko deialdia eta aurkezpena luzatuko dira.

Odol ematea

Bihar, 18:30etik aurrera, odol ematea izango da Olarango Gizarte Zentroan. Odol emailez gain «odola inoiz eman ez baduzu baina odolemaile izan nahi baduzu, azal zaitez 17:30etik aurrera bertara eta han izango diren profesionalek jakineraziko dizue odol emaile izateko zein baldintza bete behar diren», diote elkarteko kideek.