Diario Vasco

Lapurdi 1-ek Euskal Herriko lehen titulua irabazi zuen Leitzan

Txapelketako irabazleak eta azpitxapeldunak euren sariekin agintari eta antolatzaileekin Leitzako plazan partida amaitu ostean. Norgehiagokaren une bat.
Txapelketako irabazleak eta azpitxapeldunak euren sariekin agintari eta antolatzaileekin Leitzako plazan partida amaitu ostean. Norgehiagokaren une bat. / DV

Jende asko eta giro polita izan zen Leitzako plazan, Euskal Herriko Bote Luzeko I Txapelketa ofizialeko finala ikusteko. Bertan, Gipuzkoa 2 eta Lapurdi 1 neurtu ziren. Iñaki Esnal, Andoni Urbieta, Ibai Urbieta eta Julen Jauregi larrauldarrek eta Jon Urbieta asteasuarrak Euskal Herriko bote luzeko lehen txapelketako finala jokatu zuten igandean Leitzan Euskal Herriko bote luzeko finala Gipuzkoako ordezkari. Norgehiagoka Lapurdik irabazi zuen, Euskal Herriko Bote Luzeko lehen txapelketa ofizialeko titulua lortuz, Gipuzkoa 2 6-3ko emaitzaz menderatuta. Euskal Pilotako modalitaterik zaharrena da hau eta jendetza bildu da Leitzako Plazan norgehiagoka ikusteko, horrela giro bikaina sortuz, nahiz eta goizeko lehen orduetan izandako euria dela eta, partida bertan-behera geratzeko arriskua egon izana.

Iparraldekoek txapelketako lehia guztiak irabazi dituzte, lehen fasean Gipuzkoa 2-ren kontrakoa barne (3-8), baina gaur gogor egin behar izan dute lana, bere arerioak itxura bikaina eskaini duelako. Izan ere, gipuzkoarrek, nahiz eta bi pilotari lesionaturik izan, aldeko 1-2 eta 15-40 izan zuten, baina Iparraldekoek joko honi buelta eman eta 2nako berdinketaren ostean, aurrea hartu zuten. Hala eta guztiz ere, 4-3koarekin, edozein gauza gerta zitekeen, bi taldeek oso maila altua ematen zutelako, baina fase erabakigarrian gorriak hobeto aritu eta garaipena eskuratu zuten, 6-3koa sinatuz.