Diario Vasco

Danborren hotsekin sartu ziren festa giroan

fotogalería

Buruhandiak haurren atzetik korrika egitera atera aurretik. Loatzoko bandak alaitu zuen jaien hasiera Herriko kaleak zeharkatu zituen danborradak jaien hasiera iragarriz. / NÚÑEZ

  • Haur, gazte eta helduek osatutako taldea Loatzoko txarangarekin batera Agustinenea plazatik atera zen eta San Migel plazaraino joan ziren herriko kaleetan zehar

Danborradak herriko kaleak zeharkatu zituen jaiei hasieran. Haur, gazte eta helduek osatutako taldea Loatzoko txarangarekin batera Agustinenea plazatik atera zen eta San Migel plazaraino joan ziren herriko kaleetan zehar.

Bertan, alkatearen agurraren ondoren txupinazoa bota zen, herensugea kanpandorretik udaletxeko balkoiraino jaisten zen bitartean. Aurten txupinazoa herriko odol emaileek bota zuten.

Ondoren haurrentzako goxokiak bota zituzten eta gogoz jolastu zuten buruhandi eta erraldoiekin.

Gaurko egitaraua

Gazteen eguna ospatuko da gaurkoan. Goizeko 9:00etan gazte festa hasiko da San Migel plazan, eta 11:00etatik 13:00etara haur parkea egongo da garbilekuko plazan. 13:00etan gazteak plazara bueltatuko dira herrian zehar dantzan aritu ondoren eta neskek dantza-soka eskainiko dute. Ondoren, bazkaria izango dute gazteek Share elkartean, bikoteek Aizpurua jatetxean eta haurrek plazan. Arratsaldean, 15:30etik 18:30era haur parkea egongo da berriro garbilekuko plazan. Amaieran Ttek elektrotxarangarekin kalejira abiatuko da Share elkartetik. Iluntzeko 21:00etan gazteen afaria izango da eta 23:00etan Humus, Auxili eta Bad Sound System taldeen kontzertua San Migel plazan.