Diario Vasco

Galtzakomik lehiaketa: irudimena euskaraz, paperera ekarrita

  • Lanaka aurkezteko azken eguna azaroaren 21ean izango da

Galtzaundi Euskara Taldeak Ibarrako Udalarekin batera, bederatzigarren Ibarra Galtzakomik lehiaketa antolatu du euskarazko komikigintza sustatzeko xedearekin. Deialdia irekia da, edonork parte har dezake lehiaketan, bakarka. Gaia askea da; ez dira onartuko eduki sexista edo arrazistarik, ez eta intolerantzia jokabidea eragin dezaketenik ere. Lan oro argitaragabea izatea eskatzen da, propioa, eta euskara hutsean idatzia. Originaltasuna, euskara maila ona, zuzentasuna eta teknika baloratuko dira, besteak beste. Lehiaketan jatorrizko lana aurkeztu beharko da, aurrediseinatutako irudiekin egindako lanak baztertuz. Irudi digitalizatuen kasuan, orri bakoitzeko inpresio bat aurkeztu beharko dute lehiakideek, A4 neurrian, 300 pppko kalitatearekin. Lan bakoitzak lau orrialde izango ditu, gehienez. Lanak Galtzaundiko egoitzan aurkeztuko dira, edota honako posta helbidean: Galtzaundi Euskara Taldea, 'Galtzakomik komiki lehiaketa', Nafarroa etorbidea 6 behea, 20400, Tolosa (Gipuzkoa). Aurkezteko azken eguna 2016ko azaroaren 21ean izango da.

Sariei dagokienez, adin tarteen araberakoak dira. 12 urtetik beherako gaztetxoen artean, 100 euro eta komiki bilduma bat, eta komiki bilduma bat eta marrazketarako materiala banatuko dira. 12 urtetik 16 urte bitartera, lehen saria 200 eurokoa izango da, marrazketarako material eta komiki bildumarekin; bigarren saria, 100 euro, komiki bildumarekin. Horrez gainera, bi adin tarte horietan Ibarrako komiki onenak opari txeke bat jasoko du komiki bilduma batekin. 16 urtetik gorako lehiakideen artean, lehen saria 700 euro eta bi lagunentzako afaria, Eluska jatetxean; bigarren saria, 300 euro eta bi lagunentzako afaria, Danon Txokoa jatetxean. Horrez guztiaz gainera, Mahala baserriko produktuen bi saski zozketatuko dituzte parte hartzaile guztien artean.

Informazio gehiagorako, Galtzaundi Euskara Taldean: 943 655 004 telefonoan edo kultura@galtzaundi.com helbidean.