Diario Vasco

Produktu ekologikoen plaza handia gaur

Goiz osoan zehar izango dira postuak.
Goiz osoan zehar izango dira postuak. / MUNOA
  • Goizeko 10:00etatik 14:00etara 20 ekoizle baino gehiago egongo dira herrian

Gipuzkoako Nekazari- tza Ekologikoaren XXII. azoka egingo da gaur goizean Zerainen. Goizeko 10:00etatik 14:00etara bitartean, 20 ekoizle baino gehiago egongo dira arau ekologikoak jarraituz ekoitzitako produktu ezberdinak saltzen. Barazkiak, frutak, edariak, gozoak, txerrikiak, ogiak, gaztak, haragiak, pasta, olioa, oihalak, etab. erosi ahalko dituzte azokara gerturatzen direnek.

Azokako salmenta postuez gain, hainbat artisau, umeentzako gozogintza tailerra, erakusketak eta beste hainbat egiteko izango dira. Azokan erositako produktuekin prestatutako pintxoak jateko aukera ere izango da.

Azken batez, ekoizpen ekologikora gerturatu, punta puntako produktu onak erosi eta goiz pasa ederra egin nahi duenak Zerainen aukera paregabea du gaur.