Diario Vasco

Intxurreko hiru futbol taldek asteburu honetan ekingo diote lanari

Intxurreko hiru futbol taldek asteburuan estreinatuko dute 2016-2017 denboraldia. Kadeteen lehen mailan ariko den mutilen taldea izango da lanean hasten lehena: multzoen arteko ligaxkari ekingo diote alegiarrek gaur bertan goizeko 10:30ean Idiazabalen jokatuko dute partidarekin.

Ordu eta erdi geroago hasiko da jubenilek Beasainen jokatuko duten neurketa. Horiek ere lehen mailan ariko dira aurten, eta Tolosaldeko eta Goierriko zazpi talde izango dituzte aurkari gaur hasiko duten txapelketako lehen fasean.

Azkenik, iragan denboraldian gorengoen mailarako igoera lortu ostean, bihar 16:00etan Lagun Onaken aurka etxean jokatuko duen partidarekin emango dio estreinaldia denboraldiari eta maila berriari Santos Irazustabarrenaren taldeak. Aurreko denboraldian gorengoen mailara igo-tzea lortu zuen Irazustabarrenaren taldeak.

Maila berrira egokitzea eta beroni eustea izango dira helburu nagusiak.