Diario Vasco

Bihar hasiko dira Itsasondoko Jaiak Ijittoaren jaitsierarekin

Larunbatean arituko da Tor Magoa herrian.
Larunbatean arituko da Tor Magoa herrian. / JUANFER
  • Nahiz eta festak bihar hasi gaur bingo herrikoia antolatu da jubilatuen elkartean

Itsasondoko jaiak bihar hasiko dira ofizialki nahiz eta gaur egitarauaren lehen ekimena aurkitzen dugu. Hau jubilatuen elkartean izango da eta herritar guztiei dago zuzendua. Arratsaldeko 17:00etan, bingo Herrikoia.

Hala ere, ekimen nagisuenak bihartik aurrera izango dira herrian. 17:00etan, zinta karrera antolatu dute, ginkana eta gero merendola. 18:30ean emango zaie festei hasiera ofiziala. Udalean txupinazoa botako da eta Ijittoaren jaitsiera ikusteko aukera izango da. Ordu bete geroago, toka txapelketa. Gaueko 21:00etan, herri afaria. Bapo afaldu ondoren, 23:00etan, musikaren ordua izango da Itsasondon. DJ Jaialai izango da musikaren arduraduna jaien lehen gauan. Goizaldera, ba- tzuri zopa eta txokolatea banatuko dira Kaxintanen.

Larunbatean, hilaren 17an, goiz hasiko dira ekitaldiak. 9:00etan, Goiz Eresia izango da. 13:00etan, Beitiko Igoera eta 14:30ean, paella jana. Arratsaldeko lehen ekitaldia benetan berezia izango da. Itsasondora puntako magoa iritsiko da, ezaguna, telebistan sarritan ateratzen delako. Tor Magoa 17:00etan hasiko du bere ikuskizuna.

Magia eta gero, musikaren ordua iritsiko da herrira. 18:30ean, Joxe Mendizabalekin dantzaldia antolatu dute. 19:00etan, playback-a izango da. «Playback-ea mozorrotuta atera beharko da. Gaia 'Euskal Kirolak' dela gogoratu behar dugu», diote antolatzaileek. 20:00etan, Mozorro festa gai berberarekin. «Eguerditik mozorrotzea baloratuko da».

Gaueko 21:00etan, bokata jana. «Biltzen den dirua beharrean dauden herritarren ongizaterako erabiliko da», azaldu dute, beraz, falta behar ez den ekitaldia izango da. Bi ordu beranduago, Elektrotxufla Elektrotxaranga.

Festen azken eguna igandeko izango da. 9:00etan, Goiz Eresia. 10:00etaik 13:00etara, puzgarriak izango dira Beiti kalean. Eguerdian, 12:00etan, hamaiketakoa izango da herriko plazan eta ondoren, triki-poteoa. Giro ederrarekin kantu bazkaria izango da 14:30ean.

Arratsaldean, berriz, puzgarriak Beiti Kalean, 16:00etatik 18:00etara. 17:30ean, pelota partidak, 18:30ean buruhaundiak eta Hernaniko erraldoiak eta ondoren, Ijittoaren igoera. Amaitzeko, 20:00etan, sagardo dastaketa.