Diario Vasco

Aisialdiko begirale ikastaroa hasiko da urrian, izena eman daiteke jada

Datorren urritik 2017ko maiatzera bitartean begirale ikastaroak antolatuko dira eta izena emateko epea 2016ko irailaren 5etik irailak 23ra luzatuko da udal liburutegian.

Larunbatetan burutuko da ikastaroa, 9:00etatik-14:00etara eta 15:00etatik 18:00etara. Ikastaroa 2017an 18 urte edo gehiago izango dituen edonork egin dezake. Matrikula 500 euro kostatzen da eta hurrengo urteko udan Zegamako Udaleku irekietan praktikak egiteko aukera izango da. Praktikak bertan eginez gero, 500 euroak itzuliko zaizkio ikastaroa egin duenari (Zegaman erroldatutakoei).

10 lagun behar dira

Ikastaroak 200 ordu teoriko-praktiko eta 120 ordu praktiko izango ditu. Partaide kopuruari dagokionez, gutxienez 10 lagunek eman beharko dute izena ikastaroa antolatzeko eta gehienez 30ek.

Bilera informatiboa irailaren 20an, asteartea, 18:30ean udaletxean izango da.