Diario Vasco

Gazte laguntzaile beka eskatzeko epea urte amaierara arte luzatu du Udalak

  • Bekaduna izateko 20 eta 30 urte bitarteko adina izan behar da, Lazkaon erroldaturik egon eta GKE batekin lankidetzan aritu

Lazkaoko Udalak herriko gazteei zuzendutako beka programa bat jarri zuen martxan apirilean, garapeneko lankidetza ekintzetarako sentiberatze eta gazteen artean herrialdeen eta kulturen elkartasun baloreak sustatzeko helburuarekin. Bolondresen lana onartu eta babestu asmoz, eta herrian lankidetza programetan parte hartzen duten gazteak badirela jakinda, bidaia, asegurua eta bisatua ordaintzeko, gehienez 2.000 euro emango zaizkio eska-tzaile bakoitzari. Eskaera egiteko epea urte bukaera arte luzatu da.

Betebeharrak

Bekaduna izateko, 20 eta 30 urte bitarteko adina izan behar da, Lazkaon erroldaturik egon behar da eta Gobernuz Kanpoko Erakunde (GKE) batekin lankidetzan egon behar da, baina lan harreman profesionalik izan gabe. Gainera, proiektua gauzatu behar den herrialdean gutxienez hiru aste egin behar dira, istripu eta gaixotasunen aseguru-poliza bat kontratatu behar da ekintza bukatu arte eta proposatutako denboraldirako, eta Osakidetzak emandako osasun aholku guztiak bete behar dira (txertoak etab). Azkenik, egindako lanaren irudiz osatutako memoria aurkeztu eta Lazkaoko udaletxean, zahar egoitzan, ikastolan etab., sentiberatze jarduerak antolatzeko konpromisoa hartu behar da.

Lazkaoko Udalak jarduera burutu behar den tokira egin beharko bidaien joan-etorri gastuekin lagunduko die gazteei, eta behar den bisatuan, sartzeko edota irteteko zergen ordainketan edo gaixotasun eta istripuetarako aseguruen ordainketan.