Diario Vasco

Ederki pasa zuten haurrek Alkizako jaien hasieran

Haur ugari animatu ziren aulki jolasean parte hartzera. Allur, June eta Olatzek aurpegia margotu zuten. Gaztetxoak gogoz saiatu ziren jolasetan.
Haur ugari animatu ziren aulki jolasean parte hartzera. Allur, June eta Olatzek aurpegia margotu zuten. Gaztetxoak gogoz saiatu ziren jolasetan. / NÚÑEZ

Alkizako jaien lehen egunean, ohitura den bezala, haurrak izan ziren protagonista. Guraso elkarteak jolasak antolatu zituen frontoian adin guztietako haur eta gaztetxoentzako.

Lokotx biltzea, zaku karrera, taldekatzean eta aulki jokoan jolasteko aukera izan zuten, besteak beste, aurpegia margotu eta apunteria jolasen aukeraz gain. Ondoren, guztientzako txokolate beroa eta pastak banatu ziren eta haurrentzako diskofesta izan zen.

Goizean, meza ospatu zen elizan eta jarraian txupinazoa bota zen Udaletxeko balkoitik. Kepa Ostatuko arduraduna izan zen suziria botatzeko arduraduna. Jarraian, jubilatuek bazkaria izan zuten Ostatuan.

Gaurko egitaraua

Gaur eguerdian haurrentzako apar festa egongo da. Arratsaldean, beteranoen arteko pilota txapelketako finalak. Jarraian, herri afaria izango da Ostatuan eta ondoren, Bide Batez taldearekin trikitixa.