Diario Vasco

Bedaioarrak jai giroan murgilduta dabiltza igandera arte

Atzo hasi ziren Bedaioko jaiak. Txupinazoa eta gero, Meza Nagusia izan zuten Andra Mari Jaiokundearen elizan. Jarraian hamaiketakoa trikitilariekin. Jubilatuen bazkaria Abaetxe jatetxean izan zen eta arratsaldean, Alegiako Sutarri dantza taldearen emanaldia izan ziren. Gero, piota partidak eta gauean, afaria Artubi kultur elkartean. Giroa alaitzeko trikitilariak izan ziren.

Gaur berriz, arratsaldeko 18:00etan, patata tortila lehiaketa izango da. Gauean, 21:00etan, Zagi-ardoa (edaria elkarteak jarriko du). Ondoren dantzaldia Elustondo Anai-Arreba trikitilariekin goizalderarte. Goizaldera baratxuri zopa eta txokolate beroa elkartean.

Larunbatean, arratsaldeko 17:00etan, haurrentzako jolasak izango dira. Gauekoi 21:00etan, herri afaria eta ondoren goizalderarte dantzaldia Izer eta Alabier eta Ansorregi-Larrañaga trikitilariekin. Goizaldera baratxuri zopa eta txokolate beroa elkartean.

Igandea, goizeko 11:00etan, Meza Nagusia Andra Mari Jaiokundearen elizan entzun ahal izango da. Jarraian, hamaiketakoa trikitilariekin. 13:00. Bedaioko XXVII. Txirrindulari igoera (federatu gabeentzat) burutuko da eta arratsaldeko 17:00etan, Aimar Irigoien harrijasotzailea, Julen Alberdi eta Eneko Otaño aizkolariak arituko dira antolatutako herri kirol erakustaldian. Gaueko 21:00etan, afaria Artubi kultur elkartean. Ardi gixadua eta mondejuak). 24:00. Bedaioko jaiei amaiera suziriekin.

Zaldi lasterketa

Bedaioko IX. zaldi lasterketa hilaren 18an izango da. Lasterketarako eta bazkarirako izen ematearen azken eguna hilaren 15ean telefono honetara deituz: Belen: 636 91 93 72 edo Marian: 610 60 58 98. Lasterketako inskripzioa 15 euro dira.