Diario Vasco

Arantzazuko erromesaldia hainbat herritarrek bete dute

Arantzazuko erromesaldira oinez joan zirenak Urbian.
Arantzazuko erromesaldira oinez joan zirenak Urbian. / PELLO AGIRREZABAL

Herritar ugarik bete dute Arantzazuko erromesaldiarekin asteburuan. Parte hartzea handitzeko asmoz, egitarauan hainbat aldaketa egin dira aurten, eta 70 lagunetik gora joan dira Arantzazura larunbat eta igandean.

Larunbatean aukera desberdinak jarri ziren oinezko ibilbidea egiteko eta 9.45etan elkartu ziren San Adriango Aterpetxean. Urbian bazkaldu ondoren iritsi ziren Aran-tzazura. Bertan, Joseba Etxeberria herritar frantziskotarrak egin zien ongi etorria eta, elizkizuna bukatutakoan, autobusez itzuli ziren Segurara.

Erakusketa

Euskal jantzien erakusketa ireki zen atzo Ardixarra etxean. Euskal Herriko Dantza Solteko Txapelketak 40. urteurrena betetzen du aurten eta hainbat ekintza antolatu dira motibo horrekin. Ekitaldi horien barnean kokatu behar da Errenteriako Iraultza Dantza Taldearen bidez antolatu den erakusketa hau. XVI eta XIX. mende bitarteko arropak dira eta Ramon Garcia diseinatzaileak prestatu ditu.

Erakusketa bi hilabetez egongo dena jendaurrean, turismo bulegoaren ordutegiarekin: Ostiraletan 17:30etik 19:30era, eta asteburu eta jai egunetan 11:30etik 13:30era goizez eta 16:30etik 19:30era arratsaldez. Bestalde, hilaren 17 eta 18an, Goierriko Erromeri Bira egingo da, Kantu Jira eta Jubilatuen Egunarekin batera.