Oin arinen urteko emanaldi arrakastatsua, 'Argia'ren inguruan

Dantzari lazkaotarrak urtero eskaintzen duen emanaldiaren gaia 'Argia' izan zen oraingoan eta Oin Arin osatzen duten taldeetako bakoitzak ideia hori oinarri hartuta egin zuen dantza Arerian.

Batzuk ilargiari eskaini zioten saioa, besteek suari, txikienek Argitxo eta bere kriseiluarekin egin zuten dantza, itzalak irudikatu zituzten beste batzuk... 'Izan ere, horrelakoa baita bizia, argia eta itzala, mamia eta azala, ipuin batean bezala!', dantza taldeko arduradunek dioten moduan.