Joxe eta Bixente txapeldun mus kanporaketan

Larunbatean egin zen VII. Euskal Herriko Mus Txapelketaren kanporaketa Mutiloan. Bertan 14 bikotek hartu zuten parte eta horietako bi sailkatu ziren Gipuzkoako finala kanporaketarako, datorren otsailaren 21ean Alegian jokatuko dena.

Irabazleak Joxe Arotzena eta Bixente Apalategi izan ziren, eta beraiek eraman zuten Mutiloako Udalak jarritako saria: arkume bat. Bigarren sailkatuak Erkuden Agirre eta Ion Ugalde izan ziren, eta hauek jaso zuten Mutiloako Ostatuaren saria: 2 pertsonentzako eguneko otordua.