Markel Olano Ataunen, bertako «errealitatearen berri» jasotzeko

Basoan lanean ari zirenekin egon ondoren, Markel Olanok honakoa azpimarratu zuen: «Kudeaketa eta ustiaketa jasangarriarekin, basogin-tzak eta lehen sektoreak enpleguaren eta aberastasunaren iturburu dira Ataungo herriarentzat eta nataruraren eta ustiaketaren arteko oreka mantendu behar dugu». Gogoratu zuen udalerriaren %75 Aralarreko Parke Naturala zela.

Halaber, Kerejeta tailerrean izan eta gero herri txikietan ere industri azpiegitura lehiakorra eta punta-puntakoa edukitzearen garran-tzia aipatu zituen. «Udalerri bakoi-tzak bere herritarren bizi kalitatea eta zerbitzuak bermatzearen aldeko apustua egitea ezinbestekoa da Gipuzkoak gaur egun duen lurralde oreka mantentzeko eta horretarako beharrezkoa da herrian bertan lanpostuak bermatzen dizkiguten lantegiak izatea».

Eguna amaitzeko eta bailarako alderdi jeltzaleko ordezkariekin bildu aurretik Ataungo batzokian, Markel Olanok hainbat ataundarrekin partekatu zuen kalean gauzatutako elkarrizketa zuzenetan beren egunerokotasuna, kezkak eta etorkizunerako asmo eta itxaropenak.