Haurren egunarekin hasi ziren San Bartolome jaiak Bidanian

Bidaniko San Bartolome jaiak atzo hasi ziren. Goiz osoan haurrak gustura aritu ziren beraientzako gurasoek prestatutako jokoetan jolasean. Zinta-jolasa, aulki jolasa, globoak lehertzea, lokotxak, soka-tira, eta abar, izan ziren jokoetako batzuk. Ondoren, indarrak berreskuratzeko bazkaria izan zuten denek.

Bazkalondoren, herriko jaien hasiera eman zuen txupinazoa bota zuten Joxe Erramun Goikoetxea alkateak eta Ane Lasa zinegotziak Udaletxeko balkoitik kanpai hotsekin batera, eta jarraian denak karrozara igo ziren herrian zehar txikiteo herrikoia egiteko. Kontsejutik hasita, herriko taberna guztietan egin zuen geldialdia gazte taldeak Balzola anaiak trikitilariekin batera.