Gabonetako otorduen ondorioz kolesterolaren %10eko igoera izan daitekeela abisatu dute adituek

Espainiako 2 biztanletik 1ek gomendatutako kolesterol-maila baino altuagoa du/Fotolia
Espainiako 2 biztanletik 1ek gomendatutako kolesterol-maila baino altuagoa du / Fotolia

Kolesterola dutenen profila, gainera, "kolesterolari garrantzirik ematen ez diotenak dira, eta irtenbiderik ere ez dute bilatzen"

DVDonostia

Urtearen hasiera aprobetxatu dute gogorarazteko Gabonetako ospakizunek beraiekin dakarten arriskuetako baten inguruan, kolesterola hain zuzen. Espainiako Bihotzaren Fundazioak, Espainiako Kardiologia Sozietatearekin batera, herritarren kontzientziazioan eragin nahi izan du horrela, gogoraraziz Gabonetako otorduen ondorioz kolesterolaren %10eko igoera izan daitekeela.

Bestalde, ohartarazi dute Espainiako 2 biztanletik 1ek gomendatutako kolesterol-maila baino altuagoa duela. Kolesterol-tasa altuenak dituzten autonomia erkidegoak Galizia, Kanariar Uharteak, Extremadura eta Murtzia dira. Gaitza dutenen profila, gainera, "kolesterolari garrantzirik ematen ez diotenak dira, eta irtenbiderik ere ez dute bilatzen". Kasuen %55ean gertatzen da egoera hau.

Hau guztiagatik, hain zuzen, azpimarratu dute kolesterola dela gaixotasun kardiobaskularren oinarrian ezkutatzen den faktorea, eta gaitzok ekiditeko kolesterolik ez izatea dela onena.

Gomendioak:asko ibili eta ondo jan

Kolesterolik ez izateko, edo izatekotan, gutxitzeko, hartu daitekeen neurri sinple eta eraginkorrenen artean ibiltzea da errepikatuena. Zehatzago esanda, hiru ordu laurden edo ordubete inguruan ibiltzea.

Kolesterol-maila altuak jaisteko kardiologikoki bizitza osasungarria izatea nahikoa dela gogorarazi dute adituek, hau da, barazkiak jatea, baita fruta, fibra eta koipe gutxidun produktuak ere, alkohola ekiditea eta ia egunero ibiltzea.

Temas

Euskera

Contenido Patrocinado

Fotos

Vídeos