Jaurlaritzak 130.000 euro emango dizkio Herri Urrats elkarteari, urteroko jaia finantzatzen laguntzeko

Herri Urrats festa, iaz Senperen/J. M. López
Herri Urrats festa, iaz Senperen / J. M. López

Hizkuntza Politika Sailak bideratuko duen diru laguntzak iazko kopuru bera izango du aurten

DV

Eusko Jaurlaritzak Herri Urrats elkartearentzako 130.000 euroko diru laguntza onartu du aste honetako gobernu bileran, urteroko Iparraldeko ikastolen aldeko jaia finantzatzen laguntzeko. Kultura eta Hizkuntza Politika Sailak bideratuko duen diru laguntzak iazko kopuru bera izango du aurten.

Laguntzaren bitartez, Senperen egiten den Herri Urrats jaialdia bera lagunduko da, bai eta festaren inguruan antolatzen diren kultur eta aisialdi jarduera guztiak.

Jaurlaritzak gogorazi nahi izan du Iparraldean euskararen inguruan antolatzen den ekitaldirik nabarmenena dela Herri Urrats, eta "gure hizkuntza aisialdian eta gazteen artean bultzatzeko egiten duen esfortzua" aitortu nahi dio horrela.

Temas

Euskera

Contenido Patrocinado

Fotos

Vídeos